چیف منسٹر نے چمولی حادثہ میں مارے گئے فوجیوں کو خراج عقیدت پیش کیا۔

دہرادون، آج خبر۔ چیف منسٹر پشکر سنگھ دھامی نے چمولی حادثے میں مارے گئے فوجیوں کو خراج عقیدت پیش کیا اور سوگوار خاندانوں سے ملاقات کے بعد جذباتی ہوگئے۔ انہوں نے اہل خانہ کو ہر ممکن مدد کا یقین دلایا۔ آج یہاں چیف منسٹر پشکر سنگھ دھامی نے چمولی حادثے میں جانی نقصان پر گہرے دکھ کا اظہار کیا ہے۔ مرحوم کی روح کے سکون کی خواہش کرتے ہوئے وزیر اعلیٰ نے سوگوار خاندان کے افراد سے تعزیت کا اظہار کیا ہے اور زخمیوں کی جلد صحت یابی کی بھی دعا کی ہے۔ چیف منسٹر پشکر سنگھ دھامی چمولی پہنچ گئے۔ چمولی حادثے میں ہلاک ہونے والوں کے اہل خانہ سے ملاقات کے بعد وزیر اعلیٰ کافی جذباتی نظر آئے۔ انہوں نے سوگوار لواحقین کو تسلی دی اور انہیں ہر ممکن مدد کا یقین دلایا۔ پولیس گراؤنڈ گوپیشور میں چیف منسٹر نے چمولی حادثہ میں مارے گئے تین ہوم گارڈ جوانوں کی لاشوں پر پھولوں کی چادر چڑھاتے ہوئے آنسو بھری آنکھوں سے خراج عقیدت پیش کیا۔